‘जिरो डिग्री’ मा विजय बरालको अनौठो लुक्स

विजय बरालको मुख्य भूमिका रहेको चलचित्र ‘जिरो डिग्री’ ले आफ्नो प्रदर्शन मिति घोषणा गरेको छ। निर्माण पक्षले उक्त सार्वजनिक गरेको नयाँ पोस्टरमा चलचित्रलाई आगामी माघ १५ गतेदेखि नेपालका हलमा प्रदर्शन गरिने उल्लेख गरेको छ।

सार्वजनिक पोस्टरमा अभिनेता बराललाई ढाका टोपी, बाक्लो जुँगा, चस्मा र परम्परागत पहिरनमा सेतो घोडामाथि सवार रहेको प्रस्तुत गरेको छ। अगाडि तथा पछाडि दुईवटा पंखा बोकेर हिँडिरहेको दृश्यले पोस्टरलाई व्यङ्ग्यात्मक र कौतूहलपूर्ण बनाएको छ।