अधुरा आयोजना थुप्रिँदा सुदूरपश्चिमको पूर्वाधारमा बढ्यो दबाब

धनगढी । सुदूरपश्चिम प्रदेश सरकारले वर्षौँदेखि सडक, पुल, खानेपानी तथा सिँचाइमा लगानी गर्दै आए पनि निर्माणाधीन आयोजनाको ठुलो हिस्सा अझै पूरा हुन सकेको छैन ।

प्रदेशको भौतिक पूर्वाधार विकास मन्त्रालयका अनुसार सडक तथा पुलतर्फ मात्रै १९३ बहुवर्षीय आयोजना अधुरै छन् । खानेपानीतर्फ पनि १ हजार १५० आयोजना पूरा हुन बाँकी छन् ।