नेपालमै गुणस्तरीय शिक्षा रोकेर वार्षिक डेढ खर्ब विदेश पठाउने खेल बन्द होस्ः आइप्यान

काठमाडौं । विदेशी विश्वविद्यालयका शैक्षिक कार्यक्रमबारे तथ्य र प्रमाणका आधारमा बहस गर्न इन्टरनेशनल एजुकेशन प्रोभाइडर्स एसोसिएसन अफ नेपाल (आइप्यान) आग्रह गरेको छ ।

काठमाडौंमा आयोजित पत्रकार सम्मेलनमा आइप्यानका अध्यक्ष लक्ष्मण केसीले मन्त्रालयको स्वीकृतिमा सञ्चालित संस्थाहरु कानुनी आधार बिना बन्द हुन सक्ने दाबी गलत भएको बताउँदै गुणस्तर र वैधानिकताको मूल्याङ्कन प्रचलित कानुन र बजारको स्वीकार्यता अनुसार हुनुपर्नेमा जोड दिए ।