रोजगारी, उद्यम र उत्पादनलाई प्राथमिकतामा राख्दै कांग्रेस केन्द्रीय सदस्यमा जितेन्द्र विक्रम शाहीको उम्मेदवारी

नर्वे- नेपाली कांग्रेसको १५औँ महाधिवेशनमा युरोपबाट केन्द्रीय सदस्य पदका लागि जितेन्द्र विक्रम शाहीले उम्मेदवारी घोषणा गरेका छन्। प्रवासमा लामो समयदेखि कांग्रेसको संगठन निर्माण र सामाजिक गतिविधिमा सक्रिय शाहीले पहिलोपटक केन्द्रीय सदस्यका लागि आफ्नो दाबी प्रस्तुत गरेका हुन्।

नर्वेमा तीन कार्यकाल नेपाली जनसम्पर्क समितिको सभापतिको जिम्मेवारी सम्हालिसकेका शाहीले पार्टीलाई उत्पादन, रोजगारी र उद्यमसँग जोडेर अघि बढाउनुपर्ने धारणा अघि सारेका छन्। उनले आफ्नो उम्मेदवारीसँगै ‘अबको कांग्रेस उत्पादन, रोजगारी र समृद्धिको कांग्रेस’ भन्ने अवधारणा सार्वजनिक गरेका छन्।