कर्णालीमा सरकारी समयमा निजी अस्पतालमा सेवा दिएको पाइए कडा कारबाही हुने

सुर्खेत । कर्णाली प्रदेश सरकारअन्तर्गतको सामाजिक विकास मन्त्रालयले प्रदेशभित्रका चिकित्सक, स्वास्थ्यकर्मीहरूलाई कार्यालय समयमा निजी अस्पताल, नर्सिङ होम, क्लिनिक तथा मेडिकल प्रयोगशालामा कार्य नगर्न कडा निर्देशन दिएको छ

मन्त्रालयका सचिव धोलकराज ढकालले विभिन्न सञ्चार माध्यम तथा सरोकारवाला निकायबाट यस्तो कार्य भइरहेको गुनासोहरू प्राप्त भएको भन्दै गम्भीर ध्यानाकर्षण भएको जनाएका छन् । निर्देशन पत्र जारी गर्दै उनले सरकारी सेवा समयमा निजी संस्थामा कार्य गर्नुलाई ‘अनुचित’ तथा ‘नैतिक र व्यावसायिक मर्यादाविपरीत’ भन्दै मन्त्रालयले यस्तो कार्यमा संलग्नलाई कारबाही प्रक्रिया अगाडि बढाइने निर्देशन पत्रमार्फत चेतावनी दिएका छन् ।