लोक सेवा आयोगको परामर्शपछि सङ्घीय निजामती सेवा विधेयक मन्त्रिपरिषद्मा

काठमाडौं – लोक सेवा आयोगको आवश्यक परामर्श तथा राय समेटिएपछि सङ्घीय मामिला तथा सामान्य प्रशासन मन्त्रालयले सङ्घीय निजामती सेवा विधेयकको मस्यौदा प्रधानमन्त्री तथा मन्त्रिपरिषद्को कार्यालयमा पेस गरेको छ ।

लोक सेवा आयोगबाट राय तथा परामर्शसहित मस्यौदा फिर्ता आएपछि मन्त्रालयले त्यसको अध्ययन गरी आवश्यक संशोधनसहित अन्तिम रूप दिएको हो। मन्त्रालयले मस्यौदा मन्त्रिपरिषद्मा दर्ता गराइसकेको जनाएको छ ।