पहिरो प्रभावित म्याग्दीमा मोनाको १५ लाख रुपैयाँ राहत सहयोग

काठमाडौं – असोज ८ देखि ११ गतेसम्म परेको निरन्तर वर्षापछि गएको पहिरोबाट प्रभावित म्याग्दीमा राहत, उद्धार तथा व्यवस्थापनका लागि प्रवासमा रहेका म्याग्देलीले १५ लाख रुपैयाँ सहयोग गरेका छन् ।

म्याग्दी प्रवासी नेपाली सङ्घ ९मोना०ले जिल्ला विपद् व्यवस्थापन समितिमार्फत उक्त सहयोग उपलब्ध गराएको हो । मोनाका संस्थापक अध्यक्ष प्रकाश पुनका अनुसार पहिरो तथा बाढी प्रभावित क्षेत्रमा आवश्यक खाद्यान्न, लत्ताकपडा, तरकारी र बन्दोबस्तीका सामग्री खरिदमा १५ लाख रुपैयाँ खर्च गरिएको छ ।