मेरो लोकसेवा यात्रा: हराएको मदेखि आफ्नै मसम्म!

आज लोकसेवाको नतिजा आउने दिन थियो। घरमा एक हप्तादेखि नै सबैजना नतिजाको प्रतीक्षामा थियौँ। राति ९:५६ बजे मोबाइलको म्यासेज बक्समा एउटा सन्देश आयो। त्यो सन्देश सिफारिसको थियो।

मेरो शरीर बेस्सरी काम्यो। मैले ठूलो स्वरमा बहिनीलाई सुनाएँ। त्यसपछि ममी र बाबालाई सुनाएँ। सबैजना खुसीले करायौँ। केही क्षणमै घरको माहोल खुसीयालीले भरियो। मैले मेरा नजिकका साथीहरूलाई पनि सुनाएँ। सबै जना खुसी भए।