काठमाडौँ महानगरले सामुदायिक विद्यालय, वडा कार्यालय र स्वास्थ्य केन्द्रको पानी परीक्षण गर्ने

काठमाडौँ । काठमाडौँ महानगरपालिकाले सामुदायिक विद्यालय, वडा कार्यालय र स्वास्थ्य प्रवर्द्धन केन्द्रमा प्रयोग हुने पानीको गुणस्तर परीक्षण गर्ने भएको छ । सेवाग्राही तथा विद्यार्थीलाई सुरक्षित पिउने पानी सुनिश्चित गर्ने उद्देश्यले महानगरपालिकाले पानी परीक्षण कार्यक्रम अघि बढाउन लागेको हो ।

महानगरपालिकाका अनुसार सामुदायिक विद्यालयका बालबालिका, शिक्षक तथा कर्मचारी, स्वास्थ्य प्रवर्द्धन केन्द्रमा सेवा लिन आउने बिरामी तथा आफन्त र वडा कार्यालयमा प्रशासनिक सेवा लिन आउने सेवाग्राहीलाई लक्षित गरी पानी पिउनयोग्य भए–नभएको परीक्षण गरिनेछ ।