कामै नगरी १६ लाख झ्वाम पार्ने लमजुङका पूर्व ६ वडाध्यक्ष र तत्कालीन हाकिमसहित १० जनाविरुद्ध मुद्दा

लमजुङको राइनास नगरपालिकामा प्रधानमन्त्री रोजगार कार्यक्रमको बजेट हिनामिना तथा सरकारी सम्पत्ति दुरुपयोग गरेको ठहर गर्दै अख्तियार दुरुपयोग अनुसन्धान आयोगले तत्कालीन प्रमुख प्रशासकीय अधिकृत, लेखापाल र ६ जना वडाध्यक्षसहित १० जनाविरुद्ध विशेष अदालतमा भ्रष्टाचार मुद्दा दायर गरेको छ।

आर्थिक वर्ष २०७६/०७७ मा श्रम, रोजगार तथा सामाजिक सुरक्षा मन्त्रालयबाट प्राप्त १६ लाख ७२ हजार रुपैयाँ सशर्त अनुदान संघीय सञ्चित कोषमा फिर्ता नगरी मिलेमतोमा पेस्की निकाली दुरुपयोग गरेको पाइएपछि अख्तियारले आइतबार आरोपपत्र दायर गरेको हो।