भुटानलाई गण्डकीले ८ विकेटले हरायो

काठमाडौं । नेपाल भ्रमणमा आएको भुटानको राष्ट्रिय टिमविरुद्धको पहिलो म्याचमा गण्डकी ११ ले सहज जित हात पारेको छ । भुटानले दिएको ९६ रनको सहज लक्ष्य गण्डकीले २ विकेट क्षतिमा भेट्टायो ।

पहिलो ब्याटिङ गरेको भुटानले १९.३ ओभरमा ९६ रन बनाएर अलआउट भएको थियो । भुटानका लागि ओपनर सोनाम छोपेल र नरजंग मिक्यो दोर्जीले समान २७-२७ रन बनाए । नाम्गे थिन्लेले १८ बलमा १६ रनको योगदान दिए ।