असोज १७ देखि तीन दिन भीषण वर्षा हुने खबर भ्रामक : मौसम विभाग

काठमाडौं । असोज १७ गतेदेखि लगातार तीन दिन भीषण वर्षा हुने भन्दै सामाजिक सञ्जाल तथा विभिन्न माध्यमबाट फैलिएको सूचना भ्रामक रहेको नेपाल मौसम विज्ञान विभागले जनाएको छ ।

विभागअन्तर्गतको मौसम पूर्वानुमान महाशाखाले असोज १७ गतेदेखि तीन दिन भीषण वर्षा हुनेसम्बन्धी कुनै पनि पूर्वानुमान नगरेको स्पष्ट पारेको हो । पछिल्लो मौसमी गतिविधिमा समेत खासै फेरबदल नदेखिएको विभागले जनाएको छ ।