मुग्लिन–पोखरा सडक आयोजना अन्तिम चरणमा, पश्चिम खण्ड नोभेम्बरसम्म सक्ने तयारी

काठमाडौं । एसियाली विकास बैंकको सहयोगमा स्तरोन्नति भइरहेको मुग्लिन–पोखरा सडक आयोजनाको पश्चिम खण्ड निर्माण अन्तिम चरणमा पुगेको छ। आयोजना अन्तर्गत आबुखैरेनीदेखि पोखरासम्मको सडक निर्माणमा देखिएका मुख्य अवरोध समाधान भएसँगै कामले गति लिएको हो।

पश्चिम खण्डमा विद्युत् पोल स्थानान्तरण, मादी पुलको पहुँचमार्गका लागि जग्गा प्राप्ति तथा दमौली डिभिजन कार्यालयको भवन स्थानान्तरणमा देखिएको समस्या समाधान गरिएको पूर्वाधार विकास मन्त्रालयले जनाएको छ।