दुलालको टिप्पणी– ‘सरकारको सुशासनको नारा भ्रममा सीमित भयो’

काठमाडौं । नेपाली कम्युनिष्ट पार्टीका प्रमुख सचेतक युवराज दुलालले सरकारको सय दिनको कार्यसम्पादनप्रति असन्तुष्टि जनाउँदै सुशासनको नारा भ्रममा सीमित भएको टिप्पणी गर्नुभएको छ ।

मंगलबार संसद् परिसरमा सञ्चारकर्मीसँग कुरा गर्दै दुलालले सरकारले चमत्कार गर्ने दाबी गरे पनि नागरिकले आधारभूत सेवा लिनसमेत सास्ती भोग्नुपरेको बताउनुभयो । उहाँले सरकार गठन भएको कति समय भयो भन्नेभन्दा पनि त्यसले दिएको परिणामलाई प्राथमिकता दिनुपर्ने धारणा राख्नुभयो ।