ओलीले भने- अध्यक्ष हटाउने कुरा अपराध थियो, अब क्षमा हुँदैन

नेकपा (एमाले) का अध्यक्ष केपी शर्मा ओलीले केन्द्रीय कमिटीको तेस्रो पूर्ण बैठकलाई ‘कट-अफ डेट’ घोषणा गर्दै अब पार्टीभित्र कुनै पनि प्रकारको अराजकता, गुटबन्दी र अनुशासनहीनता क्षमा नहुने चेतावनी दिएका छन्।

विगतमा भएका अध्यक्ष हटाउनेसम्मका गतिविधिलाई अपराधपूर्ण रहेको भन्दै उनले ती सबै कुरा बिर्सेर अब सम्पूर्ण तागत आगामी स्थानीय निर्वाचन र संगठन निर्माणमा लगाउन निर्देशन दिए।