चुनावी तालमेल वा कार्यगत एकता हुनसक्छ, झमेलामा फस्नेगरी पार्टी एकता हुन्न : ओली

१३ असोज, काठमाडौं । नेकपा एमालेका अध्यक्ष केपी शर्मा ओलीले आगामी निर्वाचनहरूमा अन्य शक्तिसँग चुनावी तालमेल वा कार्यगत एकता हुनसक्ने बताएका छन् । मंगलबार पार्टीका मातहतका कमिटीसँग भर्चुअल बैठकमा बोल्दै ओलीले पार्टी एकता चर्चा भने समयको बर्बादी मात्रै रहेको टिप्पणी गरेका छन् ।

‘अन्य शक्तिहरूसँग चुनावी तालमेल वा विषयगत कार्यगत एकता हुनसक्छ,’ अध्यक्ष ओलीले भने, ‘तर अनावश्यक झमेलामा फस्ने गरी पार्टी एकताको चर्चा उपयुक्त छैन ।’