चलचित्र ‘जिरो डिग्री’ माघ १५ देखि प्रदर्शनमा आउने

काठमाडौँ। डार्क कमेडी चलचित्र ‘जिरो डिग्री’ माघ १५ गते (जनवरी २९, २०२७­) देखि प्रदर्शनमा आउने भएको छ । निर्माण संस्था मेघौली फिल्म्सले फिल्मको फष्टलुक्स पोस्टर मंगलबार सार्वजनिक गर्दै प्रदर्शन मिति घोषणा गरेको हो ।

सार्वजनिक पोस्टरमा अभिनेता विजय बराललाई चलचित्रका पात्र ‘पुन्य चौलागाईँ’को फरक अवतारमा प्रस्तुत गरिएको छ। ढाका टोपी, बाक्लो जुँगा, चस्मा र परम्परागत पहिरनमा घोडामाथि सवार विजयको अगाडि तथा पछाडि दुई वटा पंखा बोकेर हिँडिरहेको दृश्यले पोस्टरलाई व्यङ्ग्यात्मक र कौतूहलपूर्ण बनाएको छ।