किसान सूचीकरणमा उल्लेखनीय वृद्धि, करिब ३ लाख किसान थपिए

काठमाडौं । कृषि, वन तथा पर्यावरणमन्त्री गीता चौधरीको पहलपछि किसान सूचीकरण अभियानले गति लिएको छ। पछिल्लो समय करिब ३ लाख किसान किसान सूचीकरण प्रणालीमा थपिएका छन्।

मन्त्रालयका अनुसार हालसम्म देशभर २६ लाख ७९ हजार किसान किसान सूचीकरण प्रणालीमा सूचीकृत भएका छन्। किसानको वास्तविक पहिचान सुनिश्चित गर्दै कृषि क्षेत्रका कार्यक्रमलाई तथ्याङ्कमा आधारित बनाउन सूचीकरणलाई प्राथमिकतामा राखिएको मन्त्रालयले जनाएको छ।