सरकारले ल्यायो नेपालीको डीएनए विवरण विदेशीलाई दिन सक्ने गरी कानून

सरकारले विदेशी मुलुकले मागेको अवस्थामा नेपाली नागरिकको डीएनए प्रोफाइल उपलब्ध गराउन सकिने संवेदनशील प्रावधान राखेर कानून बनाउने प्रक्रिया अघि बढाएको छ। ‘राष्ट्रिय विधि विज्ञान प्रयोगशाला (स्थापना र सञ्चालन) विधेयक, २०८१’ को प्रतिवेदनमा सो प्रावधान राखिएको छ।

प्रतिनिधिसभाअन्तर्गतको शिक्षा, स्वास्थ्य तथा सूचना प्रविधि समितिले तयार पारेको प्रतिवेदनमा त्यस्तो व्यवस्था राखिएको हो। गत बिहीबार बसेको समिति बैठकले दफावार छलफलपछि प्रतिवेदन पारित गरेको थियो।