मोरङ-१ कांग्रेस अधिवेशन : पूर्वमन्त्रीले सभापतिका उम्मेदवारलाई स्टेजमै धकेले

१३ असोज, विराटनगर । नेपाली कांग्रेस मोरङ क्षेत्र नम्बर १ को अधिवेशनका क्रममा पार्टीका जिल्ला सभापति तथा पूर्वमन्त्री डिगबहादुर लिम्बू र क्षेत्रीय सभापतिका उम्मेदवार देवराज चाम्लिङ राईबीच विवाद भएको छ ।

मंगलबार अधिवेशनको निर्णय सार्वजनिक गर्नका लागि आयोजना गरिएको भेलामा सभापति लिम्बू र चाम्लिङबीच विवाद भएको हो । दुई नेताबीचको विवादको भिडियो सामाजिक सञ्जालमा छताछुल्ल भएको छ ।