जबराको पक्राउप्रति मानव अधिकारकर्मी र नागरिक समाजको ध्यानाकर्षण

काठमाडौं। पूर्व प्रधानन्यायाधीश चोलेन्द्रशमशेर जबरालाई असोज १० गते मध्यरातमा निवासबाट पक्राउ गरिएको घटनाप्रति मानव अधिकारकर्मी तथा नागरिक समाजका अगुवाले ध्यानाकर्षण भएको जनाएका छन्।

उनीहरूले जबरालाई पक्राउ पुर्जी बिना प्रहरी नियन्त्रणमा लिइनु गैरकानुनी र मानव अधिकारका आधारभूत मान्यता विपरीत भएको दाबी गरेका छन्। नेपाल प्रहरीले ‘जेन–जी’ समूहबाट भएको सुरक्षा थ्रेटका आधारमा जबरालाई सुरक्षित स्थानमा लगिएको दाबी गरे पनि त्यसको औचित्य पुष्टि हुन नसकेको उनीहरूको भनाइ छ।