घुमौं भरतपुर : प्रमुख सात गन्तव्य

भ्रमण वर्ष २०२४ का लागि भरतपुर महानगरले नगर क्षेत्रका सात वटा प्रमुख गन्तव्य र ३० वटाभन्दा बढी अन्य पर्यटकीय गन्तव्यलाई प्राथमिकतामा राखेको छ।

भरतपुर महानगरपालिकाले सन् २०२४ लाई भ्रमण वर्षका रूपमा मनाउँदै छ। महानगरले १ जनवरीमा शुभारम्भ गर्ने तयारी गरेको थियो। तर नारायणगढ मुग्लिन सडक विस्तारका लागि दैनिक चार घण्टा बन्द हुन लागेपछि केही समयपछि शुभारम्भ गरिने भएको छ। भ्रमण वर्ष सन् २०२४ मै गरिने र औपचारिक शुरूआतको मितिबारे आगामी नगरपरिषद्ले टुंगो लगाउने महानगरकी मेयर रेनु दाहालले बताइन्।