हिमलुङ हिमपहिरोमा बेपत्ताको खोजी तत्कालका लागि रोकियो

काठमाडौं । मनाङको हिमलुङ हिमपहिरोमा बेपत्ता भएका व्यक्तिहरूको खोजी तथा उद्धार अभियान तत्कालका लागि स्थगित गरिएको छ। नेपाल नेसनल माउन्टेन गाइड एसोसिएसन (एनएनएमजीए)का अनुसार हिमपहिरोमा अझै १२ जना कुक स्टाफ सम्पर्कविहीन छन्।

हिमपहिरोमा परी हालसम्म चार जनाको शव फेला परिसकेको छ। घटना भएपछि एनएनएमजीएको नेतृत्वमा अनुभवी उद्धारकर्मीहरूको टोली तत्काल खोज तथा उद्धारमा परिचालन गरिएको थियो।