वर्षाले रोकेको खेल, वरीयताले तय गरेको नतिजा

नागोया–आइचीमा जारी २०औँ एसियाली खेलकुदको पुरुष क्रिकेटमा वर्षा केवल मौसमको समस्या बनेन, यसले प्रतियोगिताको नतिजामै ठूलो प्रभाव पारेको छ। क्वार्टरफाइनलका सबै खेल वर्षाका कारण रद्द भएपछि मैदानमा खेलेर जित्ने अवसरभन्दा अन्तर्राष्ट्रिय वरीयता निर्णायक बन्न पुगेको छ।

नेपाल र श्रीलंकाबीच आज निर्धारित क्वार्टरफाइनल पनि एक बल नखेली रद्द भयो। लगातारको वर्षाका कारण निसिनस्थित कोरोगी स्पोर्ट्स पार्कको मैदान खेल्न योग्य बन्न नसकेपछि अम्पायरले खेल रद्द गरेका थिए। त्यससँगै वरीयातामा नेपालभन्दा अगाडी रहेको श्रीलंका सेमिफाइनलमा पुगेको छ। नेपाल समूह चरणमा अपराजित रहँदै क्वार्टरफाइनल पुगे पनि मैदानमा आफ्नो क्षमता प्रमाणित गर्ने अवसर नपाई प्रतियोगिताबाट बाहिरिनुपर्‍यो।