रूपपुर आणविक इन्धन ढुवानीमा पाकिस्तानले अनुमति नदिँदा अवरोध

ढाका- बङ्गलादेशको रूपपुर आणविक ऊर्जा केन्द्रका लागि युरेनियम इन्धन बोकेको विमानलाई पाकिस्तानले आफ्नो हवाई क्षेत्र प्रयोग गर्न अनुमति नदिएपछि केन्द्रको दोस्रो एकाइका लागि निर्धारित इन्धन ढुवानी रोकिएको छ।

ढाकास्थित पाकिस्तानी उच्च आयोगले हवाई उडान मार्ग र हवाई क्षेत्र प्रयोगको अनुमतिसम्बन्धी विषय प्राविधिक तथा प्रक्रियागत रहेको जनाएको छ। सम्बन्धित उड्डयन अधिकारीबीच समन्वय आवश्यक पर्न सक्ने र त्यसका कारण उडान तालिकामा परिवर्तन हुन सक्ने आयोगको भनाइ छ।