कर्णालीका मुख्यमन्त्रीले मन्त्रीहरूसँग गरे कार्यसम्पादन सम्झौता

१३ असोज, सुर्खेत । कर्णाली प्रदेशका मुख्यमन्त्री मंगलबहादुर शाहीले मन्त्रीहरूसँग कार्यसम्पादन सम्झौता गरेका छन् । मुख्यमन्त्री शाहीले मंगलबार मुख्यमन्त्री तथा मन्त्रिपरिषद्को कार्यालयमा मन्त्रीहरूसँग सम्झौता गरेका हुन् ।

सम्झौतापश्चात उनले विकास बजेट समयमै कार्यान्वयन गर्न र प्रदेश सरकारको सेवा प्रवाह नागरिकले अनुभूति गर्ने गरी प्रभावकारी बनाउन मन्त्री तथा सचिवहरूलाई निर्देशन दिए ।