ओली–देउवा भागबण्डामा शेखरले बिगारिदिएको खेल

प्रतिनिधि सभाका उपसभामुख इन्दिरा रानाविरुद्ध पदअनुकूल आचरण नगरेको आरोपमा संसद्‌मा प्रस्ताव दर्ता गर्न सत्ता गठबन्धनका प्रमुख दुई दल नेपाली कांग्रेस र नेकपा एमाले गृहकार्यमा जुटेका छन्। यसका लागि दुवै दलले आफ्ना सांसदहरूका हस्ताक्षर संकलन गरेका छन्।

संवैधानिक परिषद्‌मा प्रधानमन्त्री केपी शर्मा ओलीलाई बहुमत पुर्‍याउन कठिन भएपछि उपसभामुख राना हटाउने तयारी गरिएको हो ।