छ महिनापछि सडक मर्मत कार्य सुरु

बाजुरा, असोज १३ गते । बाजुराको मार्तडी–कोल्टी सडकको मर्मत कार्य सुरु गरिएको छ । विगत छ महिनादेखि पहिरोले अवरुद्ध सडक दसैँ अगावै सुचारु गर्नेगरि मर्मत कार्य सुरु गरिएको छ ।

अविरल वर्षाका कारण पहिरो गएपछि गत जेठ महिनादेखि सो सडक अवरुद्ध बनेको थियो । वर्षाको समय पानी पर्न नरोकिएकोले मर्मत कार्यमा समस्या भएको हो । अहिले मौसममा सुधार भएसँगै सो सडकको पनि पुन मर्मत कार्य सुरु गरिएको भौतिक पुर्वाधार विकास कार्यालय अछामले जनाएको छ ।