मोरङ–१ कांग्रेस अधिवेशनमा जिल्ला सभापति लिम्बू र चाम्लिङबीच धकेलाधकेल

सुन्दरहरैंचा (मोरङ) । नेपाली कांग्रेस मोरङ क्षेत्र नम्बर १ को अधिवेशनका क्रममा जिल्ला सभापति तथा पूर्वमन्त्री डिगबहादुर लिम्बू र क्षेत्रीय सभापतिका उम्मेदवार देवराज चाम्लिङ राईबीच विवाद भएको छ। मंगलबार अधिवेशनको निर्णय सार्वजनिक गर्न आयोजित प्रतिनिधिको भेलामा दुई नेताबीच भनाभन र धकेलाधकेल भएपछि घटनाको भिडियो सामाजिक सञ्जालमा सार्वजनिक भएको हो।