आरक्षण सिट ओगट्दै कांग्रेस केन्द्रीय सदस्य दीपक गिरी र केशव आचार्य

दाङ : नेपाली कांग्रेसको १५ औँ महाधिवेशनअन्तर्गत दाङ क्षेत्र नम्बर ३ बाट महाधिवेशन प्रतिनिधिका लागि केन्द्रीय सदस्यद्वय दीपक गिरी र केशव आचार्यले खसआर्यतर्फको आरक्षण कोटाबाट उम्मेदवारी दिएका छन्।

खुलातर्फ प्रतिस्पर्धा नगरी दुवै केन्द्रीय सदस्य आरक्षणतर्फको सिटमा उम्मेदवार बनेपछि कांग्रेसभित्र यस विषयलाई लिएर बहस सुरु भएको छ। पार्टीको केन्द्रीय नेतृत्वमा रहेका नेताहरू नै आरक्षणतर्फको सिटमा उम्मेदवार बनेपछि लामो समयदेखि पार्टी संगठनमा काम गर्दै आएका अन्य आकांक्षी युवाहरूले अवसर संकुचित भएको गुनासो गरेका छन्।