बागमती र कर्णालीका मन्त्री र प्रमुख सचिवसँग मुख्यमन्त्रीको कार्यसम्पादन सम्झौता

चालू आर्थिक वर्षको नीति तथा कार्यक्रम र बजेट प्रभावकारी रूपमा कार्यान्वयन गर्न बागमती र कर्णाली प्रदेशका मुख्यमन्त्रीले मन्त्री तथा प्रमुख सचिवसँग कार्यसम्पादन सम्झौता गरेका छन्।

बागमती प्रदेशका मुख्यमन्त्री किरण थापाले मंगलबार प्रदेशका सात मन्त्री तथा प्रमुख सचिव कमलप्रसाद भट्टराईसँग कार्यसम्पादन करार सम्झौता गरेका हुन्। प्रदेश सुशासन ऐन, २०७७ को दफा १९ तथा सुशासन नियमावली, २०७७ को नियम ९ बमोजिम सम्झौता गरिएको हो।