मदन भण्डारी कप भलिबलमा खैरा र नेपाल पुलिसको विजयी सुरुआत

काठमाडौं । भारतको खैरा भलिबल क्लब र विभागीय टोली नेपाल पुलिस क्लबले मदन भण्डारी कप अन्तर्राष्ट्रिय आमन्त्रित रनिङ शिल्ड पुरुष भलिबल प्रतियोगितामा विजयी सुरुआत गरेका छन् ।

बुटवलको बीआईसीसी सम्मेलन केन्द्रमा मंगलबार भएको समूह ‘ए’को पहिलो खेलमा खैरा भलिबल क्लब पन्जाबले मणिमुकुन्द भलिबल क्लबलाई ३–१ को सेटमा हरायो ।