कोडेभरमा नेपाली विद्यार्थीको अन्तर्राष्ट्रिय सफलता

काठमाडौँ। विश्वकै सबैभन्दा ठूलो एआई, कोडिङ तथा रोबोटिक्स प्रतियोगिता कोडेभर ७.० मा नेपाली विद्यार्थीका ६ टोलीले अन्तर्राष्ट्रिय पुरस्कार जित्न सफल भएका छन्।

इन्डोनेसियाको जकार्तास्थित बिनुस विश्वविद्यालयमा सम्पन्न प्रतियोगितामा ७० भन्दा बढी देशका टोलीसँग प्रतिस्पर्धा गर्दै नेपाली विद्यार्थीका नौ टोलीले उत्कृष्ट प्रदर्शन गरेका हुन्। प्रतियोगितामा नेपालले ६ वटा प्रतिष्ठित अन्तर्राष्ट्रिय पुरस्कार जित्नुका साथै थप तीन टोली विश्वका उत्कृष्ट ३० टोलीभित्र पर्न सफल भएका छन्।