गण्डकीमा ठूलो मानवीय क्षति, मुख्यमन्त्रीद्वारा निरीक्षण

पोखरा । अविरल वर्षासँगैको बाढी, पहिरो तथा डुबानबाट गण्डकी प्रदेशमा मात्रै पछिल्लो समय २० जनाभन्दा बढी मानिसको ज्यान गयो । मनाङमा हिमाल आरोहणमा गएका अझै १२ जना बेपत्ता छन् । देशका अन्य प्रदेशको तुलनामा सबैभन्दा ठूलो मानवीय क्षति गण्डकीमा भएको हो । बाढीपहिरोमा परी ३ जना घाइते भएका छन् ।

बाढीपहिरोले बागलुङ, म्याग्दी र मनाङ जिल्लामा सबैभन्दा बढी क्षति गरेको हो । बाढीपहिरोका कारण गण्डकीका ११ जिल्लामा गरी १ सय ७९ घरमा पूर्ण क्षति भएको छ भने २६ घरमा आंशिक क्षति छ । सडक, पुल, खानेपानी तथा अन्य भौतिक संरचनामा समेत ठूलो क्षति पु¥याएको छ । प्रदेशभर बाढीपहिरोका कारण ११ झोलुङ्गे पुल, ६ पक्की पुल र ४३ वटा सडकखण्ड अवरुद्ध भएको थियो । अवरुद्धमध्ये अधिकांश प्रादेशिक सडक पुनः सुचारु हुने क्रममा छन् ।