क्रोयसियाले जित्दा क्यानाडा विश्वकपबाट बाहिरियो

काठमाडौँ- कतारमा जारी फिफा विश्वकप अन्तर्गत क्रोयसियाले पहिलो जित हात पारेको छ । समूह 'एफ' मा रहेको क्रोयसियाले क्यानाडालाई पराजित गर्दै पहिलो जित हात पारेको हो ।

क्रोयसियाले क्यानाडालाई ४-१ गोलअन्तरले पाखा लगायो । क्रोयसियालाई जित दिलाउन एन्ड्रेज क्रामारिकले २ तथा लोभ्रो माजेर र मार्को लिभाजाले १-१ गोल गरे । क्यानाडाका लागि एकमात्र गोल अल्फोन्सो डेभिजले गरे ।