घरेलु मदिरा बनाउन र बेच्न बाटो खुल्यो, अब पालो गाँजाको

पोखरा । गण्डकीमा परम्परागत रूपमा उत्पादन हुँदै आएको घरेलु मदिराले कानुनी मान्यता पाएको छ । गण्डकी प्रदेशसभाले परम्परागत घरेलु मदिरा उत्पादनलाई व्यवस्थित र नियमन गर्ने विधेयक पारित गरेसँगै यो कानुनी बाटो खुलेको हो ।

मंगलबार बसेको प्रदेशसभाको बैठकले ‘गण्डकी प्रदेशमा घरेलु मदिराको उत्पादनलाई नियमन तथा व्यवस्थापन गर्ने ऐन’ सर्वसम्मतिले पारित गरेको छ ।