गाई पाल्ने कि विदेश जाने सरकार ?

मुलुकभरका गाईपालन फार्मका जनताले दूध बेचेको पैसा नपाउँदा गाईपालनको विकल्प खोज्नुपर्छ कि भनी आआफ्ना अभिव्यक्ति सार्वजनिक गरिरहेका छन् । सरकारी दुग्ध विकास संस्थान (डीडीसी)ले नै जनतालाई दूध लिएको पैसा महिनौंदेखि तिरिरहेको छैन । मुलुकमा सबैभन्दा बढी दूध खपत गर्ने पहल लिने संस्था भनेको डीडीसी नै हो ।

सरकारी पनि भएकाले यसको विश्वसनीयता नरहने कुरै भएन । तर, समयमै पशुपालक किसानबाट दूध लिएबापत भुक्तानी गर्नुपर्ने पैसा नदिँदा यसले आशंका भने जन्माएको छ । दूध बेचेको पैसा ७÷८ महिनादेखि नपाउँदा गाईपालक किसानले उल्टै स्थानीय साहु र सहकारीबाट ऋण लिएर घर चलाउनुपरिरहेको छ ।