पिपल्स डेन्टल कलेजका फ्याकल्टीहरूको आन्दोलन स्थगित, प्रशासनसँग भयो सहमति

काठमाडौं- पिपल्स डेन्टल कलेज एन्ड हस्पिटलका फ्याकल्टीहरूले गर्दै आएका आन्दोलनका सम्पूर्ण कार्यक्रमहरू स्थगित भएका छन्। नेपाल चिकित्सक संघ र नेपाल डेन्टल एसोसिएसनको पहलमा अस्पताल प्रशासन र फ्याकल्टी प्रतिनिधिहरूबीच भएको संयुक्त छलफल सकारात्मक निष्कर्षमा पुगेपछि आन्दोलनका कार्यक्रमहरू स्थगित गरिएको हो।

आज मंगलबार पिपल्स डेन्टल कलेजको कार्यालयमा कलेज प्रशासन, नेपाल डेन्टल एसोसिएसनका प्रतिनिधि र नेपाल चिकित्सक संघका प्रतिनिधिको उपस्थितिमा भएको छलफलले विभिन्न बुँदाहरूमा सहमति जुटाएको छ।