चाडपर्वसँगै विराटनगरमा बजार अनुगमन तीव्र

विराटनगर। चाडपर्व नजिकिएसँगै विराटनगरमा बजार अनुगमन तीव्र पारिएको छ। सोमबार गरिएको अनुगमनका क्रममा आठ वटा पसलमा म्याद गुज्रेका खाद्यवस्तु फेला परेका छन्।

जिल्ला प्रशासन कार्यालय मोरङ, वाणिज्य, आपूर्ति तथा उपभोक्ता संरक्षण कार्यालय र खाद्य प्रविधि तथा गुण नियन्त्रण कार्यालयको संयुक्त टोलीले विराटनगरका नौ वटा पसलमा अनुगमन गरेको थियो।