केवलकार निर्माणको काम अघि बढाउनुपर्ने भन्दै ताप्लेजुङमा र्‍याली

ताप्लेजुङ । ताप्लेजुङमा निर्माणाधीन केवलकार परियोजनाको काम छिटो सम्पन्न गर्न माग गर्दै बृहत् सद्भाव र्‍याली निकालिएको छ । सदरमुकाम फुङ्लिङमा ‘विकासप्रेमी युवा समाज’ को ब्यानरमा निकालिएको र्‍यालीमा स्थानीय बासिन्दा, विभिन्न संघसंस्थाका प्रतिनिधिहरू लगायतको सहभागिता रहेको थियो।

र्‍यालीमा सहभागीहरूले केवलकार निर्माणले ताप्लेजुङको पर्यटन प्रवर्द्धनमा महत्वपूर्ण योगदान पुग्ने भन्दै निर्माण कार्यलाई निरन्तर अघि बढाउनुपर्ने माग गरेका थिए। फुङ्लिङ बजार परिक्रमा गरेपछि र्‍याली बिरेन्द्र चोकमा सभामा परिणत भएको थियो।