करेन्ट लागेर घाइते भएका प्राधिकरण कर्मचारीको उपचारको क्रममा मृत्यु

२४ जेठ, गुल्मी । गुल्मीको मालिका गाउँपालिका–३ ह्वाङ्दीमा विद्युत् मर्मतका क्रममा करेन्ट लागेर घाइते भएका नेपाल विद्युत् प्राधिकरण गुल्मीका एक कर्मचारीको उपचारको क्रममा मृत्यु भएको छ। मृत्यु हुनेमा मालिका गाउँपालिका–५ छापाहिले निवासी ३० वर्षीय सूर्यबहादुर थापा रहेका छन्।

आइतबार दिउँसो करिब साढे २ बजे विद्युतको पोलमा चढेर मर्मत कार्य गरिरहेका बेला उनलाई अचानक करेन्ट लागेको थियो। करेन्ट लागेपछि थापा पोलबाट करिब ५०० मिटर तल रहेको भिरतर्फ खस्न जाँदा गम्भीर घाइते भएका थिए।