निर्वाचन कार्यालयको गाडी डडेल्धुरामा दुर्घटना, पाँच जना घाइते

डडेल्धुरामा शनिबार राति सरकारी गाडी दुर्घटना हुँदा पाँच जना घाइते भएका छन्।

जिल्ला निर्वाचन कार्यालय, डोटीको गाडी डडेल्धुराको अमरगढी नगरपालिका ११, रडुवा खोलास्थित नजिक दुर्घटना भएको हो। डडेल्धुराबाट दिपायलतर्फ जाँदै गरेको स्कारपियो अनियन्त्रित भएर सडक छेउमा ठोक्किँदा दुर्घटना भएको जिल्ला प्रहरी कार्यालय, डडेल्धुराले जनाएको छ।