एल्चेलाई ३–१ ले हराउँदै बार्सिलोना विजयी

काठमाडौँ । ला लिगा अन्तर्गत नेपाली समय अनुसार आइतबार बिहान सम्पन्न खेलमा बार्सिलोनाले एल्चेविरुद्ध ३–१ को प्रभावशाली जित निकालेको छ । घरेलु मैदानमा भएको खेलमा बार्सिलोनाका युवा र अनुभवी खेलाडीहरूले उत्कृष्ट प्रदर्शन गर्दै महत्त्वपूर्ण तीन अंक हात पारे ।

खेलको छैटौँ मिनेटमै लामिन यामलले गोल गर्दै बार्सिलोनालाई अग्रता दिलाए । त्यसपछि खेलको २९औँ मिनेटमा एल्चेका आल्भारो रोड्रिगेजले गोल गर्दै खेल बराबरीमा ल्याए । तर पहिलो हाफ समाप्त हुनुअघि नै ४०औँ मिनेटमा फेरान टोरेसले गोल गर्दै बार्सिलोनालाई पुनः अग्रता दिलाए ।