भारतीय तीर्थयात्री हुम्लामा

हुम्ला । कैलाश मानसरोवर दर्शनका लागि सिमकोट–नाम्खा हिल्सा नाका हुँदै भारतीय तीर्थयात्री सिमकोट पुगेका छन् । यहाँ आइपुगेका २५ भारतीय तीर्थयात्रीलाई प्रमुख जिल्ला अधिकारी टेककुमार रेग्मी, सिमकोट गाउँपालिकाका अध्यक्ष विजय भण्डारीलगायतले सिमकोट विमानस्थलमा स्वागत गरे ।

यस वर्ष हुम्ला हुँदै करिब ११ हजार भारतीय नागरिक कैलाश मानसरोवर दर्शनका लागि आउने अपेक्षा गरिएको छ । गत वर्ष सात हजार भक्तजनले कैलाश मानसरोवरको दर्शन गरेका प्रमुख जिल्ला अधिकारी रेग्मीले बताए ।