आफ्नै पैसाले गाउँलेका लागि पुल बनाइदिँदा दुई वर्षको जेल सजाय

आफ्नै पैसाले गाउँलेका लागि पुल बनाइदिँदा चीनमा एक पुरुष जेलमा गएका छन् । अनधिकृत संरचनाको पुल बनाउँदा उनलाई सजाय दिइएको भन्दै अडिटी सेन्ट्रलले लेखेको छ ।

सन् २००५ अघि उत्तर चीनको चिलिन प्रान्तको झलिन गाउँको ताओएर नदी आसपासका अन्य समुदायसँग बिल्कुल एक्लो थियो । नजिकको पुलबाट खोला तर्न पनि गाउँलेहरूले करिब ७० किमी यात्रा गर्नु पर्थ्यो । तर, ह्वाङ डेयी नाम गरेका गाउँलेले नदी पार गर्न सानो पुल बनाएपछि सबै कुरा फेरियो । यसअघि उनले गाउँलेहरूलाई नदी आरपार गराउन डुंगा चलाउँथे । गाउँलेहरूको दुःख देखेर उनले क्षेत्रीय अधिकारीहरूले नगरेको काम गरे ।