इलाम २ उपचुनाव - नेता, कार्यकर्ता र उम्मेदवार भोट माग्न व्यस्त

काठमाण्डौ – वैशाख १५ गते हुने उपचुनावको दिन नजिकिंदै गर्दा इलाममा दलहरुले प्रचार अभियान तीव्र पारेका छन् । नेता, कार्यकर्ता र उम्मेदवारहरु भोट माग्दै घरघरमा पुग्न थालेका छन् । प्रचार अभियानमा केन्द्रबाटै नेताहरु खटिएका छन् ।

एमालेले हिजो देउमाईको मङ्गलबारे बजारमा पार्टी अध्यक्ष केपी शर्मा ओलीको उपस्थितिमा चुनावी सभा गरेको छ । अरु दलहरुले पनि प्रचार अभियान तीव्र पारेका छन् । इलाम २ का प्रतिनिधिसभा सदस्य तथा एमाले उपाध्यक्ष सुवासचन्द्र नेम्वाङको निधनपछि यो क्षेत्रमा उपचुनाव हुन लागेको हो ।