उम्मेदवार सिफारिससँगै महाधिवेशन तयारीमा कांग्रेस सर्लाही

जनकपुरधाम । नेपाली कांग्रेस सर्लाही जिल्ला कार्य समितिले आगामी फागुन २१ गते हुने प्रतिनिधिसभा निर्वाचनका लागि क्षेत्रीय तहबाट सिफारिस भई आएका उम्मेदवार आकाङ्क्षीहरूको नामावली प्रदेश कार्य समितिमा पठाउने निर्णय गरेको छ ।

शुक्रबार जिल्ला सदरमुकाम मलंगवामा बसेको जिल्ला कार्य समितिको बैठकले प्रत्यक्ष तथा समानुपातिक दुवै तर्फ उम्मेदवारी दिन इच्छुक आकाङ्क्षीहरूको नाम यथावत् रूपमा प्रदेश समितिमा पठाउने निर्णय गरेको कांग्रेस सर्लाहीका सचिव निरज कार्कीले जानकारी दिए ।