परराष्ट्रमन्त्रीले भने- सीमा विवाद कूटनीतिक माध्यमबाट समाधान गर्ने विषयमा भारतसँग छलफल भयो

परराष्ट्रमन्त्री शिशिर खनाल तीनदिने औपचारिक भारत भ्रमण सम्पन्न गरी आइतबार स्वदेश फर्किएका छन् । भारतीय विदेशमन्त्री डा. एस. जयशंकरको मैत्रीपूर्ण निमन्त्रणामा शुक्रबार नयाँदिल्ली पुगेका मन्त्री खनालले भ्रमणका क्रममा उच्चस्तरीय राजनीतिक तथा कूटनीतिक भेटवार्ता गरेका थिए।

नयाँदिल्लीमा शनिबार भारतीय विदेशमन्त्री जयशंकरसँग प्रतिनिधिमण्डलस्तरीय द्विपक्षीय वार्ता गर्दै मन्त्री खनालले नेपाल–भारत सम्बन्धका विविध आयामबारे छलफल गरेका थिए । वार्तामा विकास सहकार्य, व्यापार तथा पारवहन, ऊर्जा, सम्पर्क सञ्जाल विस्तार र जनस्तरको सम्बन्धलाई थप सुदृढ बनाउने विषय प्रमुख रूपमा उठाइएको थियो ।