‘ओली प्रोजेक्सन’मा विद्याको पुनरागमन

काठमाडौं । लामो समयको मौनता तोड्दै नेकपा एमालेका अध्यक्ष केपी शर्मा ओली र पूर्वराष्ट्रपति विद्यादेवी भण्डारी खुला संवादमा जुट्न थालेका छन् । राष्ट्रपतिको जिम्मेवारीमा प्रस्तावित भएपछि पार्टी सदस्यता त्यागेर पार्टी मुख्यालयबाट बाहिरिएको ९ वर्ष ९ महिनापछि औपचारिक रूपमा पार्टी जिम्मेवारीसम्बन्धी छलफल गर्न मुख्यालय पुगेकी हुन् ।

पार्टी मुख्यालयमा भएको छलफलपछि बाहिरिँदै गर्दा भण्डारीले आफ्नो पार्टी सदस्यता नवीकरण भइसकेको बताएसँगै विगत केही सातायताका सवालको त जवाफ प्रस्टिएको छ । यसले आगामी राजनीतिको समेत ‘सिन क्लियर’ भएको छ ।