एफआइएम एशिया रेस अफिसियल तथा मार्सल तालिम सम्पन्न

काठमाडौँ, १ असोजः अन्तर्राष्ट्रिय मोटरसाइकल फेडेरेसन (एफआइएम) का प्रशिक्षक र एक सय १० जनाको सहभागितामा एफआइएम एशिया रेस अफिसियल तथा मार्सल तालिम सोमबार काठमाडौँमा सम्पन्न भएको छ ।

नेपाल अटोमोबाइल्स एशोसिएसन र यसका मोटरसाइकल तथा टेनिङ कमिसनको संयोजन, एफआइएम एशियाको सहयोग तथा माटोभर्स स्पोर्टस् क्लबको व्यवस्थापनमा भएको सो तालिममा मोटो जिपी तथा अन्य अन्तर्राष्ट्रिय मोटरसाइकल स्पोर्टमा अफिसियल प्रशिक्षकद्वारा सहभागीलाई रेस सञ्चालन, व्यवस्थापन तथा मार्सलिङको तालिम दिइएको थियो ।